Travis Bickle er fyrrum Víetnamhermaður sem býr í New York borg. Hann þjáist af svefnleysi, og eyðir nóttinni í að aka leigubíl. Á daginn horfir hann á klámmyndir í skítugum kvikmyndahúsum, á milli þess sem hann hugsar um hvernig heimurinn, og þá einkum New York, er kominn niður í svaðið. Hann er einfari sem hefur sterkar skoðanir um hvað er rétt og hvað er rangt hjá mannkyninu. Eina ljósið sem hann sér í lífinu í New York er Betsy, en hún vinnur við kosningabaráttu þingmannsins Charles Palantine. Hann verður gagntekinn af henni. Eftir atvik með henni, þá trúir hann því að hann verði að gera allt sem í hans valdi stendur til að gera heiminn að betri stað. Eitt af forgangsatriðum hans í lífinu er að vernda Iris, tólf ára strokustúlku og vændiskonu, sem hann trúir að vilji komast úr vændinu og úr klóm melludólgsins og kærasta síns Matthew.
Engar sýningar fundust